Paures pichons                                                              

Totis los pichons dal monde

an de polits uèlhs.

Cadun a dins los sieus

l’intelligéncia d’una vida,

la doçaina tebiessa de la plèja d’estiu.

Las filhas dins lo fons

lo non-rès de l’amor,

los garçons an de cops lo regrèlh de la guerra.

Morissan,cada minuta un,

dins aquèla planeta damnada,

de talent sus ginolhs de la maire

que los pot pas amatigar,

dins lo limos espès d’una guerra poirida.                                                                                                                     

Jaume Carbonèl

                                                                                                                                        Genièr de 2012-01-07                                                                                                                                                     

- douceur : doçaina 

- tiédeur : tebiessa

- apaiser : amatigar 

- vase : lima,limos