Canta que cantaran

Canta que cantara la cigala

sola dins lo garnau que marca l'ostalon.

Canta que cantara lo rossinhol

dins lo bartàs qu'enroda l'ort.

Canta que cantara la galina

que ven de faire l'uou.

Canta que cantara la tortora

sul taulat de la jaça.

Canta que cantara l'ase

en penejant dins son estola.

Canta que cantara lo grelh

sul davant de sa tuta.

Canta que cantara la bugadièra

en tustan la farda banhada.

Canta que cantara lo curat

a vèspras e a matinas.

Canta que cantara Nadal,lo vielh Puech,

a mièjanuèit,dins la gleisa gelada..

Canta que cantara lo ramonet

en curant l'estable.

Canta que cantara lo cridaire

per anonciar las novèlas.

Canta que cantara lo pelharot

en brandissant sa pèl de lèbre.

Canta que cantara la nora

dins la cramba en fasquèn los lèits.

Canta que cantara la maire

per assomir l'enfantot.

Canta que cantaran las manhandièras

en culhent las fuèlhas d'amorièr.

Canta que cantaran las femnas

en copan los rasins al solelh de vendemiàs.

Canta que cantaran lo Fraj e lo Marti

en patoès dins la sala comuna.

Canta que cantaran los Indignats

sus la plaça d'Espanha.

Canta que cantaran los manifestans,

punh levat dins la protesta.

Canta que cantaran los pobles

apuèi la Revolta.


Jaume Carbonèl

mai 2011

- garnau : grand pin isolé 

- protesta : manifestation

- nora : belle-fille 

- penejant : piétinant

- manhan : ver à soie 

- babota : larve, chrysalide, ver à soie

- manhandièras : magnanières, magnanarelles